Tepurt tap í stormi

Líkindini vóru ring at leika í gjárkvøldi, men hugsningur var ikki um at útseta, tí útsettu dystirnir hópa seg upp hjá dreingjum og monnum.

Tað vóru sirka líka ring líkindir at leika fótbólt í gjárkvøldi, sum undanfarna dyst hjá 1. deild ímóti Víkingi í vikuskiftinum. Sama skilið var eisini við bóltspælinum, har bæði liðini høvdu trupult við at fáa bóltin niður á jørðina at spæla.

Sum heild gekk spælið bara so so allan dystin á tamb og tað kom fyri nakrar ferðirnar at bæði B71 og ÍF høvdu møguleikar at leggja seg á odda, men onki spurdist burturúr. Leingi sá tað út til at fara vera ein 0-0 dystur, ið møguliga hevði verið tað rætta. B71, ið var undirmannað til dystin við bert teimum 11 monnunum á vøllinum og ongum útskiftara, nærum frá byrjan, máttu stríðast manniliga, hvørt teir eisini gjørdu.

Tað kom tí sum ein dyggur smeitur tá ÍF fær eitt tilvildarligt mál eini 10-15 minuttir áðrenn leiklok og sinnini fóru eisini upp at kóka í síðstu minuttunum í dystinum.

Dómarin hevur blást dystin av mitt í einum álopið hjá B71, ið í sær sjálvum er rættuliga undarligt tíðspunkt at velja at floyta dystin av, serliga við atliti til at menn vóru uppøstir frammanundan. Men tað var avgerðin og tað sum hendir aftaná er ikki óvæntað. Nógvar provokatiónir í feltinum og so er áfast millum tveir leikarar. Úrslitið er at Áki Hentze og ein ÍF leikari verða vístir av vøllinum.

Ein dyggur smeitur, serliga um tað merkir at okkara leikari nú hevur leikbann til steypadystin mánadagin.

Tað skal tó ikki vera nøkur umbering fyri nakað sum helst. Vit skulu halda høvdið høgt hóast eitt vánaligt og vet órættvíst úrslit í gjár. Í løtuni liggur U21 liðið á einum triðja plássið í bólkinum við 6 stigum. Liðini á 1. og 2. plássinum hava 12 stig, men vit hava so spælt ein dyst færri. Tískil er onki mist á gólvið orsaka av hesum eina dystinum. 10. juni fara vit til Fuglafjarðar at leika á útivølli og tá fáa leikararnir so møguleikan at vísa betri fótbóltsspæl og vinna tey trý stigini vit leitaðu eftir í gjár.

Drívið á B71!

Kunning

Vinnaratøl
frá Maratonfótbóltinum

- 55'' flatskermur: Nr. 830 (vunnin)
- 2x atgongumerkir til
Føroyar-Svøríki: Nr. 866
- 2x atgongumerkir til
Føroyar-Svøríki: Nr. 809
 
Vinnarar kunnu venda sær til
Hanus á tlf. 277115.
1. deild menn
Team
Played GD Points
1 NSÍ 13 16 31
2 Víkingur 13 16 26
3 07 Vestur 13 9 25
4 12 13 23
5 B71 12 -8 16
6 B68 13 -5 14
7 B36 13 -9 13
8 Skála 13 -2 12
9 HB 13 -8 8
10 EB/Streymur 13 -22 4
2. deild kvinnur
Team
Played GD Points
1 ÍF/Víkingur/B68 8 13 19
2 AB 6 5 13
3 AB/B71 6 3 12
4 HB 5 5 10
5 07 Vestur 7 -10 4
6 FC Hoyvík 8 -16 0
U21 Dreingir
Team
Played GD Points
1 Skála 3 11 9
2 ÍF 3 9 9
3 B71 2 5 6
4 Víkingur 3 -2 3
5 EB/Streymur 3 -3 3
6 KÍ (b) 3 -10 3
7 B68 3 -4 0
8 NSÍ (b) 2 -6 0

Høvuðsstuðul

Stuðlar