7 sigrar á rað

Tað sær ósvikaliga trygt út hjá besta mansliðnum í løtuni, nú bert 3 dystir eru eftir til steðgin.

Tvey mál í part til Símin Hansen og Mads Hentze, umframt eitt til unga Róa Klementsen av Sandi, var meira enn nóg mikið til at taka 3 stig við aftur í Sandoynna, hesuferð fyri 7 ferð á rað. Ein sigursrøð, ið vit skulu langt aftur í søgubøkurnar hjá B71 at finna.

Sigurin leygardagin ber við sær at B71 framvegis er á odda í 2. deild, umframt at tað nú eru 4 stig niður til nærmasta kappingarneyta. Ein hampuliga trygg leiðsla í einari deild har "bert" 18 dystir verða leiktir.

Hóast tað gongur sum eftir ánni í løtuni, so mugu vit eisini minnast til at stinga fingurin í jørðina og viðurkenna at skulu vit halda góða gongdina koyrandi, so krevst at vit minnast til at verða eyðmýkir, eisini tá vit halda uppgávuna verða væl yvirkomiliga. Taka vit ikki hvønn dyst í nóg stórum álvara, so er vandi fyri at vit verða yvirraskaðir og so kunnu vit lættliga missa stig.

Men vit skulu vera glað tá tað gongur væl og í løtuni gongur tað yvir allar forvæntningar, sum maðurin segði. Latum okkum minnast til at njóta tær góðu løturnar og vóna at tær halda á fram komandi tríggjar vikurnar.

Drívið á B71!

B71 Veitslan 2017

2. deild menn
Team
Played GD Points
1 B71 18 25 42
2 Víkingur 18 23 35
3 Skála 18 14 35
4 EB/Streymur 18 9 34
5 17 -2 22
6 NSÍ 18 -14 21
7 07 Vestur 16 5 20
8 AB 18 -16 19
9 B68 18 -25 16
10 TB/FCS/Royn 17 -19 10
2. deild kvinnur
Team
Played GD Points
1 EBS/Skála 11 34 28
2 ÍF/Víkingur 11 9 21
3 B68 11 -1 16
4 AB/B71 9 7 14
5 9 3 12
6 Giza Hoyvík 11 -52 0

Høvuðsstuðul

Stuðlar



Kunning

Neytalortakappingin hjá B71
Vinnarapuntarnir:

Lortapunturin: Nummar 529 (Vinnarin funnin)
- 10.000 kr gávukort frá Atlantic.

Ovari lortapuntur: Nummar 554
- 32'' flatskermur frá Rólanti Vidtfeldt.

Niðari lortapuntur: Nummar 504 (Vinnarin funnin)
- Vikuskifti á Hotel Skálavík fyri tvey v. morgunmati.