6 sigur á rað!

Ógvuliga væl leikandi B71 í góðveðrinum á Skála leygardagin. Nú hava vit ikki mist nakað stig síðan 2. umfar.

Tað skuldi vísa seg at verða enn ein góður dagur fyri B71 á útivølli. Higartil í ár hava vit næstan bara spælt á útivølli, men tað sær ikki út til at gera stórvegis nógvan mun. Vit vinna dyst aftaná dyst í løtuni.

Málskorararnir Tummas Pauli Olsen, Símin Hansen og Mads Hentze hava skorað upp í spannir av málum fyri B71 í ár og tað var eisini Tummas Pauli, ið byrjaði við at leggja B71 á odda 0-1. Símin Hansen økti beint áðrenn hálvleik uppá straffi og eini 10 minuttir seinni økti Mads Hentze til 0-3 við einum skallara í niðara vinstra málhorn.

Minusið við dystinum í dag skuldi so koma í 60. minutti tá Gunnar Lydersen fellir ein Skála spælara, ið dómarin metir hevur ein opnan møguleika at skora. Reytt kort og tískil má liðskiparin sita næsta heimadyst ímóti Suðuroyarliðnum yvir.

Burtursæð frá einari óhepnari útvísing, so var dysturin leygardagin væl spældur og væl avgreiddur. Tað sá ongantíð ordiliga út til at B71 fór at missa nakað stig, hóast Skála var størsti kappingarneytin í deildini við tí at teir lógu á 2. plássinum. Halda vit á fram á hendan hátt, so liggja vit væl fyri tá juni mánaði er av og summarferian er í hondum.

Drívið á B71!

Kunning

Maratonfótbólturin 2018
Árliga fótbóltstiltakið verður:
Mikukvøld 09. mei - Hóskvøld 10. mei (Kristi Himmalsferðardag)

Aðalfundurin hjá B71
06. mars kl. 19.00 í kantinuni í Ítróttarhøllini

Høvuðsstuðul

Stuðlar