Einsamallir á odda

Sigurin hjá besta mansliðnum í gjár og ósigurin hjá Skála, skumpar 2. deildar liðið upp á ovastu rók!

Tað var heilt nógvur aktivitetur inni í Dal í gjár í samband við heimadystirnir hjá B71 leygardagin 20. mei.

Felagið skipaði fyri einum nýggjum átakið, ið vit kalla fyri "Leygardagsbóltur", ið hevur til endamáls at økja um áhugan og ikki minst áskoðaratalið inni í Dal á dystardøgum.

Seinastu árini hava áskoðararnir bara fækkast og tað er sera spell, tí ongin ivi er um at fólkið í oynni eru enn glóðheitir B71 fjepparar. Tíðin er kanska farin frá "bara" at fara inn og hyggja at einum dysti og tað mugu vit sum felag eisini ásannað. Tí var nógv orka lagt í at bjóða teimum, ið løgdu leiðini inn í Dalin í gjár, eitt rimmar tilboð við heitum pottum, grilling, hoppiborg, fifa-spælið, klædnakeypið, hugna o.m.a.

Tað skal sigast at átakið tóktist rigga til fulnar. Ein rúgva av fólkið var við vøllin í allan gjár og tað allarmesta riggaði sera væl. Stóra takk tit øll sum vitjaðu og sjálvandi eisini tøkk til tey sum hjálptu!

Um tað var dyggi stuðulin frá áskoðarafjøldini sum at enda bar B71 á mál, ella ikki, tað veit man ikki, men tað gjørdi tað heilt víst nógv hugaligari at spæla. Og úrslitið talar fyri seg; ein trivaligur 3-0 sigur í einum dysti, har Víkingarnir annars gott kundu havt fingið meira burturúr.

Tá farið var til hálvleiks var onki mál komið og tað leikaði javnt á. Tað tóktist vera sera trupult at bróta verjuna hjá felagsliðnum fyri norðan niður, men at enda kann toppskorarin og venjarin hjá besta liðnum, Sìmin Hansen leggja okkum at odda og so loystist alt eitt sindur meira upp. Løtu seinni er maðurin aftur á blettinum og so er 2-0. Triðja málið og seinasti naglin í kistuni, kom eftir einum sindri av trunkaspælið og har var Bjørgfinnur Winther klárur og smekkaði bóltin í kassan.

3-0 gjørdist endaliga úrslitið og her við hava vit lagt okkum einsamallar í oddin í 2. deild, trý stig niður til Skála og KÍ á 2. og 3. plássinum.

Komandi leygardag verður annars topp uppgerð á Skála, tá okkara menn skulu norð til ivaleyst torførastu uppgávuna í ár. Ein sigur her kundi sett okkum reiðiliga framum restina, so latum okkum vóna tað besta og arbeiða knallhart ímóti at tað skal blíva veruleiki!

Drívið á B71!

2. deild menn
Team
Played GD Points
1 B71 18 25 42
2 Víkingur 18 23 35
3 Skála 18 14 35
4 EB/Streymur 18 9 34
5 17 -2 22
6 NSÍ 18 -14 21
7 07 Vestur 16 5 20
8 AB 18 -16 19
9 B68 18 -25 16
10 TB/FCS/Royn 17 -19 10
2. deild kvinnur
Team
Played GD Points
1 EBS/Skála 11 34 28
2 ÍF/Víkingur 11 9 21
3 B68 11 -1 16
4 AB/B71 9 7 14
5 9 3 12
6 Giza Hoyvík 11 -52 0

Høvuðsstuðul

Stuðlar



Kunning

Neytalortakappingin hjá B71
Vinnarapuntarnir:

Lortapunturin: Nummar 529 (Vinnarin funnin)
- 10.000 kr gávukort frá Atlantic.

Ovari lortapuntur: Nummar 554
- 32'' flatskermur frá Rólanti Vidtfeldt.

Niðari lortapuntur: Nummar 504 (Vinnarin funnin)
- Vikuskifti á Hotel Skálavík fyri tvey v. morgunmati.