Enn ein javnleikur

Næsta royndin endaði eins og tann fyrsta við javnleiki. Tó við væl fleiri málum enn fyrsti 1-1 dysturin.

Tað var sonn málfest á Skála í dag tá okkara kvinnur vitjaðu. Tá avtornaði var endaliga úrslitið ein 4-4 javnleikur, eftir at okkara høvdu verið aftanfyri 4-3 í stóran part av øðrum hálvleiki.

Argjakvinnan Vár Miðberg skoraði heili trý mál, meðan Gerda Magnussen skoraði eitt.

Tikið í betraktning av at hettar er eitt læru ár hjá kvinnuliðnum, so má sigast at tær taka uppgávuna í allarstørsta álvara. Góðu úrslitini fylgja eisini í kjalavørrinum á góða hugburðinum og hóast vit eiga fyrsta sigurin til góðar enn, so eru tvey stig onki at kimsa at. Tað er eitt stórt stig á leiðini bara at hava eitt kvinnulið. Tí kunnu vit samstundis gleðast um at tað gongst liðnum væl í kappingini.

Drívið á kvinnur!

Kunning

Maratonfótbólturin 2018
Árliga fótbóltstiltakið verður:
Mikukvøld 09. mei - Hóskvøld 10. mei (Kristi Himmalsferðardag)

Aðalfundurin hjá B71
06. mars kl. 19.00 í kantinuni í Ítróttarhøllini

Høvuðsstuðul

Stuðlar