Triði sigurin á rað!

Nú sær nógv betur út og málsetningurin nærkast fyri hvønn spælda dyst.

Tað er ongin loyna at nervarnir vóru eitt sindur sjónligir tá kappingin hjá 2. deild byrjaði og vit høvdu bert tað eina stigið frá báðum teimum fyrstu dystunum. Men teir nervarnir eru tíbetur sissaðir eitt sindur nú. 5 dystir spældir, 3 vunnir, 1 javnur og 1 tap. Tað er bestemt til at liva við og við sigrinum í gjár, so hómast oddurin í 2. deild rættuligani. Í løtuni liggja vit á einum triðja plássi, tvey stig aftanfyri oddaliðið Skála.

Málsetningurin er enn sum fyrr og tað er at flyta upp. Við allari virðing fyri triðbestu deildini í mansfótbólti, so má besta mansliðið úr Sandoynni klára at flyta beinleiðis uppaftur úr deildini.

Hóast tað gongur væl í løtuni, so má man verða varugur við at kappingin er ikki eingong hálvrunnin enn og at vit hava ymsar smátrupulleikar við at loyva mótstøðuliðunum ov nógv innaftur í dystin. Hesin veikleikin var sjónligur í gjár, við tí at vit føra 0-2 í hálvleikinum, við málum frá Tummas Paula Olsen og Mads Hentze, og so í fyrsta og øðrum minutti av øðrum hálvleiki, so er knappliga javnleikur 2-2.

Síðan máttu okkara menn kempa allan vegin til síðstu 10 minuttirnar tá Símin Hansen og enn einaferð Mads Hentze kundu lukka dystin við málinum til 2-3 og 2-4.

Skulu vit hava nervarnar í behold tá kappingin er liðug, so hevði ein tryggari leiðsla verið ynskilig. Hinvegin, so vinna vit støðugt í løtuni og bæði lið og áskoðarar eru væl nøgdir við spælið sum heild, so man skal ansa sær at man ikki pilkar ov nógv við nakað sum riggar. Týdningarmikið er væl at man er varugur við at tað kann ganga galið og tá tað so gongur galið, at vit eru klárir at svara aftur við ordiligum stríðsvilja!

Komandi leygardag gongur leiðin út á Argir og tá er kravið, eins og fyrr, trý stig.

Drívið á B71!

Komandi

Leygardagin, 23. september kl. 00:00
2. deild menn: B71-Skála
Leygardagin, 23. september kl. 00:00
U14 Dreingir: B71-HB
Leygardagin, 23. september kl. 00:00
U14 Gentur: AB/B71-B68
Leygardagin, 23. september kl. 00:00
U17 Gentur: Víkingur-AB/B71
Leygardagin, 23. september kl. 00:00
U8 Gentur: Kapping í Gøtu/Leirvík
Leygardagin, 23. september kl. 08:00Sat Sep 23 @17:00
U8 Dreingir: Kapping á Sandi
Leygardagin, 23. september kl. 18:30
3. deild menn: B71-EB/Streymur (b)
Sunnudagin, 24. september kl. 00:00
2. deild kvinnur: AB/B71-KÍ
Leygardagin, 30. september kl. 00:00
U14 Dreingir: Víkingur-B71
Leygardagin, 30. september kl. 00:00
U14 Gentur: 07 Vestur-AB/B71
2. deild menn
Team
Played GD Points
1 B71 15 22 36
2 Skála 15 12 29
3 EB/Streymur 15 8 28
4 Víkingur 15 9 26
5 15 -4 19
6 NSÍ 14 -3 18
7 07 Vestur 14 0 17
8 B68 15 -13 16
9 AB 15 -15 13
10 TB/FCS/Royn 13 -16 7
2. deild kvinnur
Team
Played GD Points
1 EBS/Skála 11 34 28
2 ÍF/Víkingur 11 9 21
3 B68 11 -1 16
4 AB/B71 9 7 14
5 9 3 12
6 Giza Hoyvík 11 -52 0

Høvuðsstuðul

Stuðlar