Loksins eydnaðist tað.

Fyrstu stigini í ár.
Nú er bara at koyra á!

U14 dreingirnir hava havt eina eitt sindur trupla byrjan uppá kappingarárið. Okkara dreingir hava tapt og viðhvørt tapt stórt, men í gjár vístu teir reiðiliga at teir hava ment seg nógv og væl síðstu tíðina.

Teir løgdu bragdliga fyri og skoraðu trý mál uppá 15 minuttir. Tað fyrsta kom longu í allarfyrsta minutti, tá Bogi Hentze verður feldur og straffi dømt. Bogi tekur sjálvur og so er 1-0. Løtu seinni, í 5. minutti, so var Bogi aftur á blettinum og økir til 2-0. Pætur Nolsøe økti síðan til 3-0 og alt sá út til at ganga sum eftir ánni.

Beint áðrenn hálvleik, so lovaðu vit tó Suðuroyarliðnum innaftur í dystin og teir kundu minka um munin til 3-1. Eini 15 minuttir inn í 2. hálvleik, so var aftur galið og nú var støðan 3-2.

Viðhvørt sá út til at okkara ungu menn fóru at missa sigurin á stokkinum, men teir ressaðust við og hildu munin allan vegin til dystarlok. 3-2 gjørdist endaliga úrslitið og sjálvsagt var gleðin stór.

Ein væl uppiborðin sigur. Týdningarmest er menningin og spæligleðin, men ein sigur er ikki at kimsa at hóast alt :)

Drívið á B71!

Kunning

Maratonfótbólturin 2018
Árliga fótbóltstiltakið verður:
Mikukvøld 09. mei - Hóskvøld 10. mei (Kristi Himmalsferðardag)

Aðalfundurin hjá B71
06. mars kl. 19.00 í kantinuni í Ítróttarhøllini

Høvuðsstuðul

Stuðlar