B71-KÍ 2-0

Næstbesta liðið enn einaferð á sigurskós!

Góða arbeiðið sum 3. deildar liðið hevur lagt fyri dagin síðstu árini, sær út til at halda á fram í ár, uttan himpr.

Hugurin at spæla er øgiligur; hettar sæst á leikarahópinum, ið ofta telir sandoyingar frá fjar og nær.

Tí er tað onki undur at tað eisini fer at ganga væl, tí har fólkið trívist, har fylgja úrslitini við. Soleiðis var eisini í gjár tá klaksvíksingar vóru á vitjan á Sandi.

Dysturin var ikki altíð tann best spældi, men munurin á liðunum var nokk akkurát hugburðurin. Hóast KÌ hevði eitt sera ungt og frískt lið við suður, ið til tíðir spældi heilt góðan fótbólt, so var tað heimaliðið, ið fekk mest burturúr.

Fyrsta málið átti Brynjálvur Nicolajsen, ið langaði bóltin í netið, eftir einum sindrið av klumpspælið í sekstanmeturinum. 1-0 var eisini støðan leingi og klaksvíksingur vóru eyðsýnt frustreraðir yvir at teir ikki megnaðu at javna. Heilt ímóti endanum av dystinum velja teir so at satsa alt og senda allar leikarar fram til eitt hornaspark, men óheppi fyri teir, so verður tað beint beinleiðis frameftir til áloyparan á B71 liðnum Petur Hans Hildibjart Winther, ið hegnisliga setti síðsta verjuleikaran av og kundi renna beina leið ímóti einum tómum málið og ómakaleyst seta bóltin í netið.

Sigurin í dag merkir at B71 er á odda í sínum 3. deildar bólki við 9 stigum.

Drívið á B71!

Kunning

Maratonfótbólturin 2018
Árliga fótbóltstiltakið verður:
Mikukvøld 09. mei - Hóskvøld 10. mei (Kristi Himmalsferðardag)

Aðalfundurin hjá B71
06. mars kl. 19.00 í kantinuni í Ítróttarhøllini

Høvuðsstuðul

Stuðlar